Kranløft og transport

Mobilkrana, ei crawler crane av typen Demag CC2800-1, kan fraktast på lekter for oppdrag langs heile norskekysten. På land kan krana løfte opp til 600 tonn, på lekteren opp til 400 tonn.

Vår 'Flex'-lekter er 21 meter brei, 67 meter lang, og kan ta ei last på 2800 tonn. Lekteren har eigen propell for operasjonar ved kai, og er utstyrt med tuggervinsjar framme og anker-/tuggervinsjar bak. På dekk er det mange sjøsikringspunkt. Lekteren har kapasitet til å frakte mobilkran og våre to multiwheelerar.

Ulstein Verft si tungløftsavdeling disponerer to stykk multiwheelerar av typen Goldhofer SPMT for å kunne flytte tyngre kolli. Desse vert typisk frakta på vår lekter saman med mobilkrana vår på oppdrag langs kysten. Samla kapasitet er 640 tonn.

20 år etter at det Ulstein-designa skipet Olympic Pegasus forlét Ulstein Verft, la ho igjen til ved kai. Og truleg for aller siste gang.

Tungløftsavdelinga i Ulstein transporterte nyleg rør frå Håem/Håhjem på Sunnmøre til Storåvatn Kraftverk i Nordland, ei sjøreise på om lag 300 nautiske mil. Oppdraget vart utført for Hywer AS. 295 rør vart frakta på lekter med taubåt langs kysten. Røra hadde ei totalvekt på 1500 tonn, og det tyngste røret vog sju tonn.

Måndag 20. september hadde Ulstein Verft si tungløftsavdeling eit nytt oppdrag ved Salthammer Båtbyggeri på Remmem i Vestnes. Der vart bygg 147, ein arbeidsbåt for Nærøysund Aquaservice i Trøndelag, sjøsett i samløft med mobilkrana på lekteren og verftet si hallkran.

28. april 2021 skulle bygg 146 ved Salthammer Båtbyggeri, ein båt for Finnsnes Dykkerservice, sjøsettast. Vi utførte jobben i samløft med hallkrana på Salthammer.

Etter ei litt rolig periode i tungløftsavdelinga, der vedlikehald av ymse art blei utført, kom offshoresupplyskipet 'Havila Jupiter' til kai ved Ulstein Verft for demontering av A-ramma som var om bord. A-ramma vil bli lagra på Ulstein sitt område inntil vidare.

Den 29. januar 2021 skulle den 150-tonns A-ramma monterast på DP3-kabelleggingsskipet 'Nexans Aurora'. Vi gjennomførte transporten og løftet av A-ramma, og brukte då multiwheelerane våre, lekteren og mobilkrana.

I fire dagar, frå 16. til 20. januar 2021, var Ulstein Verft si tungløftsavdeling på Averøy Industripark. Med hjelp av lekter, mobilkrana og Goldhofer multiwheelerane var vi godt rigga for å løfte ned ei gangbru frå ein boligrigg i oljeindustrien.

Transportoppdrag langs kysten er eit typisk oppdrag for tungløftsavdelinga i Ulstein Verft. Sist i november 2020 transporterte avdelinga ei ferjebru frå Romsdal til Trøndelag.

7.-8. november 2020 var tungløftsavdelinga ved Vard-verftet i Brattvåg og monterte to McGregor-kraner på eit nytt kabelleggingsskip som er under bygging. Kranene kom med båt frå Kina, og vart lossa ned på 'Flex'-lekteren vår og ein innleigd lekter. Då vinden vart svak nok kunne ein montere (men regna gjorde det).

Onsdag 30. september 2020 var tungløftsavdelinga på plass ved GS Marine produksjon i Gursken for å sette på sjøen den 27 meter lange katamaranen 'Erla Kongsdottir', som er tiltenkt passasjertrafikk på Færøyane.

I løpet av eitt døgn i midten av september 2020 kombinerte tungløftsavdelinga to oppdrag i Romsdal og på Nordmøre. Det eine involverte å sjøsette ein båt, det andre var eit kombinert oppdrag med henting, frakting og montering av ei ferjebru.

I september 2020 vart dei tre framdriftsthrusterane installerte i kabelleggingsskipet 'Nexans Aurora' som er under bygging ved Ulstein Verft. Desse er siste tilskot i serien av Brunvoll sine azimuth-framdriftsthrusterar. Kvar av dei er på 3200 kW og har ein diameter på 2900 mm.

Bygginga av kabelleggingsfartøyet 'Nexans Aurora' er i god gjenge ved Ulstein Verft. I eit komplekst nybyggingsprosjekt vert mange oppgåver utførte samtidig. Den 10. september 2020 vart kabel-kapstanen installert i ei kort pause i den pågåande malingsprosessen.

Oppgradering av ferjekaier er blant oppdraga tungløftsavdelinga ofte er involvert i, her frå utskifting av ferjebrua på Aursnes i Sykkylven 9. juli 2020.

I juli 2020 vart tre objekt transporterte og løfta for reiarlaget Island Offshore. Blant desse var boligmodulen på biletet med ei vekt på 107 tonn. I tillegg vart det løfta eit ROV-dekk på 64 tonn og ein vinsj på 170 tonn. Alt blei løfta på land på Ulmatec Hareid på lager for Island Offshore.

I løpet av eit par hektiske dagar har heile 197 løft med dekksutstyr til kabelleggingsskipet Nexans Aurora vorte løfta på land ved Ulstein Verft. Det største enkeltløftet var ein kabel-capstan som åleine veg 176 tonn.

Eitt av mange transportoppdrag i juni 2020 var ved Fosen Yard i Rissa i Trøndelag. Begge multiwheelerane vart då brukte til å transportere ein 130-tonns maskinromsseksjon.

I april 2019 vart tungløftsavdelinga ved ​Ulstein Verft innleigd av Vard Aukra til å transportere ein trålar frå produksjonshallen til ein ventande synkelekter ved kai som skulle sjøsette trålaren.​ Det vert to slike jobbar til i løpet av sommaren og hausten.

I løpet av fire dagar i januar 2019 lossa tungløftsavdelinga ved Ulstein Verft delar til store ventemærer for Marine Construction AS, som Cermaq skal ha ved sitt nye lakseslakteri på Storskjæret ved Bogøy i Steigen kommune.

Forarbeidet til Beitstadsundbrua ved Steinkjer er i gong, og nyleg var Ulstein Verft si tungløftsavdeling på staden og løfta og transporterte forskalingskassene. Kvar av kassene har ei vekt på 210 tonn.

14-17 juli 2018 var tungløftsavdelinga i Fauske og monterte 2 brubjelkar på 240 tonn og med 68 meters lengde til ny bru over Finneidstraumen på E6 for Kruse Smith entreprenør.

Statens vegvesen sitt prosjekt ‘Loftesnesbrui’ i Sogndal kommune er eit omfattande prosjekt der ei ny bru erstattar ei eldre bru, og vegsystemet vert lagt om. K.A. Aurstad og PORR Norge har hovudentreprisa. Kranarbeidet og nedtakinga av gamlebrua var det Ulstein Verft som utførte.

Den 31. mai 2016 sjøsette avdeling tungløft ved Ulstein Verft den 120-fots skonnerten IDEAL i Kristiansund. Skonnerten er ein nybygd kopi av eit skip bygd i 1910, og skal nyttast i skulesamanhengar og til maritim rekruttering.