Ulstein i 100

Noreg har vore ein sjøfartsnasjon sidan vikingtida, og vi har vore avhengige av det sjøen har å gje oss. Sidan etableringa i 1917, har Ulstein sett nye moglegheiter. Ulstein starta opp midt i omlegginga frå segl til motor, og tilpassa seg nye behov og endringar.

Etter fleire tiår med bygging og reparasjon av fiskebåtar i tre, omstilte vi oss til å bygge skip av stål, først ferjer og fiskebåtar. Ved funnet av olje i Nordsjøen i 1969, utvikla vi design og leverte våre første offshoreskip tidleg på 1970-talet. I seinare år har vi utvikla design og løysingar innan offshorevind, passasjertransport og ekspedisjonscruise.

Som følgje av endringar i behov innan offshore olje og gass, har desse nye segmenta kome til som levedyktige marknader gjennom ei proaktiv forretningsutvikling. Dette har gitt oss ein meir omfattande portefølje og fleire bein å stå på.

Ulstein har etablert eit omdømme på å levere solide teknologiske løysingar – og å levere i tide og i samsvar med avtale.

Framveksande teknologi, særleg innan digitalisering, introduserer oss for nye utfordringar, men ikkje minst nye moglegheiter. Viljen til å satse på ny kunnskap, til å vidareutvikle seg og til å vekse, går som ein raud tråd gjennom heile historia til Ulstein-bedrifta.