Oppgraderings- og vedlikehaldsoppdrag for Island Offshore
Ulstein Verft har skrive kontrakt med Island Offshore på oppgradering og vedlikehald av brønnstimuleringsskipet ‘Island Centurion’. Oppdraget er berekna til om lag tre veker, med oppstart i juni.
Kort etter at bygg 316 ved Ulstein Verft har vorte sjøsett, vil ‘Island Centurion’ i juni bli dokka inn i dokkhallen. Skipet vart bygd i 2011 og er no klar for klassing.
Ulstein Verft skal installere eit behandlingsanlegg for ballastvatn som også inkluderer rørinstallasjonar, og botnen av skipet skal malast og stellast.
- Mest truleg vil Island Offshore ønske meir arbeid utført og det kan også bli oppdrag for Schlumberger, som er charterer av skipet, seier May-Kristin Myklebust, produksjonssjef ved Ulstein Verft.
Please contact us for more information
