Transport og montering av ferjebru på Geisnes

Søndag 29. november 2020 var tungløftavdelinga i Ulstein Verft komne fram frå Ulsteinvik med lekter og kran til Nordvestsveis AS på Grønneset, Skåla i Molde. Der vart ei ny ferjebru lasta på lekteren før turen gjekk vidare mot Geisnes ferjekai i Nærøysund kommune.

Unødvendig installasjon blei fjerna og den gamle ferjekaibrua blei løfta med mobilkran. Tysdag 1. desember blei den nye ferjebrua montert med mobilkrana frå lekter.

I denne arbeidsperioden vart ferjeleiet stengt for all trafikk. Den nye ferjekaibrua er breiare og lengre enn brua som har vore der til no.