Polarskipet National Geographic Resolution under tak

Skroget kom fram til Ulstein Verft den 22. oktober. Sidan då har det mellom anna vore arbeidd med lyssetting og sikring. No når skipet har kome inn i dokkhallen, tek innreiingsarbeidet til for fullt. Det vert vidare utført elektrisk arbeid, isolering, rørarbeid, stålutrusting og montering av utvendige vindauge - for å nemne nokon av oppgåvene.

Dokkhallen vart ferdigstilt i 2002, og gjer at skipsbygginga går føre seg i eit tørt og kontrollert miljø. Dokka har ei totallengde på 225 meter, og kan bli delt opp i to delar. Den indre delen, dokkhallen, har ei lengd på 110 meter, og porten har ei breidde på 34 meter. Dei to hovudkranene i dokkhallen kan ta tandemløft opp til 500 tonn.

Skipet er søsterskip til National Geographic Endurance, som vart levert våren 2020. Lindblad Expeditions er eit cruisereiarlag med hovudkvarter i USA. Dei samarbeider tett med National Geographic.

Sven Lindblad er president og administrerande direktør i Lindblad Expeditions. - Vi vart fascinerte av teknologien bak X-BOW®. Det var vårt hovudomsyn, seier han. Les hans historie.