Havvindskipet har vorte dokka ut

Den utvendige malinga av skipet har vorte fullført inne i dokkhallen før utdokkinga. Ein er no i gong med idriftssettinga (kommisjoneringa) av utstyr, tavlene er straumsette og hovudmotorane har blitt starta opp. I tillegg har proviantkrana vorte testa, og testing av davitane, dei hydrauliske løftesystema for mellom anna livbåtane, har starta. Krengeprøva er planlagt i siste halvdel av februar.

Skipet er utstyrt med eit batterihybridsystem: Nyleg vart energistyringssystemet testa.

Innovasjonane X-BOW® og X-STERN® gir forbetra sjøeigenskapar og sikkerheit samtidig som dei reduserer drivstofforbruket.

Fartøyet kjem til å verte verande i ytre dokk ei stund, før det vil bli lagt til utrustingskaia. Prøvetur er planlagt i starten av mars.

Bygg 315 er Ulstein sitt tredje havvindskip for Bernhard Schulte, dei to første er Windea La Cour og Windea Leibniz.