Vellukka prøvetur for Lindblad sitt neste ekspedisjonscruiseskip

Lindblad og Ulstein sine team samla
På ein slik prøvetur er fleire selskap og disiplinar representerte om bord i tillegg til representantane frå Lindblad og Ulstein, og eit godt samarbeid må til for å gjennomføre alle postane på prøvetursprogrammet. Programmet inkluderer ulike manøvrar som 360-graders svingtest og effekttestar, i tillegg til sikkerheits- og naudtestar.

Skipsbyggingsprosjektet i sluttfasen
Ekspedisjonscruiseskipet returnerte måndag morgon, 6. september, til verftet der ferdigstillinga og overleveringa av skipet står att før skipet kan ta med sine første passasjerar på cruise i Antarktis. ‘National Geographic Resolution’ er eit CX104-design frå Ulstein Design & Solutions, og er eitt av tre skip som vart nominerte til utmerkinga ‘Årets Skip 2021’.

Søsterskip
Fartøyet er søsterskip av ‘National Geographic Endurance’, som vart levert i mars 2020. Som følgje av Covid-pandemien vart skipet liggande lenge ved kai ved Ulstein Verft, men skipet har no gjennomført sine første ekspedisjonar på Island. I følge kaptein Aaron Wood gjer fartøyet seg bemerka. - Det er eit skip med store krefter, men mjuke rørsler, og gjestane våre er svært begeistra. Vi har fått veldig positive tilbakemeldingar. Skipet er komfortabelt og behageleg med svært lite vibrasjonar.