Offshorevindskip for Acta halvvegs i byggeprosessen
Published
Acta Marine sitt CSV-fartøy til offshorevindindustrien passerte halvvegsmerket i slutten av juli 2017. Fartøyet er av ULSTEIN SX195-design, og skal nyttast i tillegg til det eksisterande CSV-skipet 'Acta Orion' til offshore vindbyggingsprosjekt og relaterte marknader som dekommisjonering og olje- og gassverksemd.
Skrogkonstruksjonen av konstruksjonsstøttefartøyet for Acta Marine tok til i Crist i Polen i februar 2017, og det ferdige skroget er planlagt å bli slept til Ulstein Verft i Ulsteinvik tidleg i november 2017. Deretter skal Ulstein Verft fullføre utrustinga av skipet og å installere utstyret som trengst for oppdraga, mellom anna ei rørslekompensert gangbru og kran. Skipet skal ha innreiing for 120 personar.
Leveringa av CSV-skipet er sett til slutten av 1. kvartal 2018.
Please contact us for more information